Joao Cancelo në “radarin” e Arsenal. Portugezi i Manchester City-it pëlqehet shumë nga “Topçinjtë” të cilët kanë shfaqur interesin e tyre për të. Ai aktualisht luan në Gjermani me Bayern Munchen, skuadër në të cilën është i huazuar. Pep Guardiola nuk e ka në plane dhe në merkaton e verës mund të largohet përfundimisht nga “Qytetarët”.
“A Bola” shkruan se Arsenal po sheh mundësinë e transferimit të tij në “Emirates Stadium”. “Topçinjtë” e shohin si një lojtar të rëndësishëm i cili mund të bëjë mirë në dy linjat e mbrojtjes. Bayern Munchen nuk ka ndërmend ta blejë kartonin e tij në fund të sezonit dhe në këtë mënyrë, Arsenal duket destinacioni i mundshëm.
Vlera e kartonit të tij kap shifrën e 70 milionë eurove. Mbrojtësi i linjës së djathtë ka kontratë me City-in deri në verën e vitit 2027-të. Interes për shërbimet e tij ka shfaqur edhe Barcelona. Por, në “pole-position” duket se është Arsenal që do të tentojë të ulë vlerën e kartonit të tij për të mundësuar transferimin.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
