Është duke u zhvilluar pjesa e dytë e ndeshjes Tirana B - Partizani B. Sfida është në barazim 1-1, teksa ka rënë në sy prezenca e disa lojtarëve nga ekipet e para në formacion. Ndeshja e vlefshme për Kategorinë e Dytë, i ka dhënë mundësi sfafeve që të luajnë edhe me disa nga lojtarët më të mirë.
Për Tiranën e kanë nisur nga minuta e parë Edon Hasani dhe Mario Morina, ndërsa edhe Beshiraj e Qirko janë pjesë e listës së Johanes Tafaj. Për Partizanin në fushë luan Esat Mala dhe Aristoteles Romero, ndërsa edhe portieri Malaj e Dajçi bëjnë pjesë në listën e Dritan Mehmetit.
Pikërisht venezueliani Aristoteles Romero ka pësuar një dëmtim në minutën e 55 të takimit, duke u detyruar të përfundojë në autoambulancë, për transportin drejt spitalit. Mesfushori do t'i nënshtrohet kontrolleve më të specializuara, teksa të kuqtë nuk gjejnë qetësi përpara derbit të së premtes.
Në foton e siguruar nga newsport.al, duket lojtari që transportohet nga "Skënder Halili" drejt spitalit, i shoqëruar nga stafi mjekësot i të kuqve. Lojtari është lënë të stërvitet me ekipin e dytë, si një lloj dënimi për performancën jo të mirë në ndeshjen e Superligës përballë Kukësit, disa javë më parë.
Lexo gjithashtu
