
Gjyqtari Remzi Sadiku ka bërë një arbitrim shumë tëmirë ditën e djeshme, në sfidën mes Skënderbeut dhe Partizanit.
Sadiku veproi mirë duke sqaruar pretendimet e të dyja skuadrave, në rastet e dyshimta.
Në momentin e penalltisë gjykimi ishte shumë i drejtë, pasi edhe pse një tërheqje e lehtë ndaj Micit, ajo duhej të akordohej si faull, ose si penallti në rastin konktret.
Nuk mund të thuhet e njëjta gjë për gjyqtarin Rudin Preca, i cili gaboi në një moment në pjesën e parë, kur akordoi një pozicion jashtë loje për Xhejms, ndërkohë që nga pamjet u pa se futbollisti ishte në pozicion të rregullt, por vendosja e arbitrit në fushë, bëri që ai mos t'a shikojë rastin siç duhet.
Gjatë sfidës pati shumë pak momente të kontestuara, kjo edhe për shkak të fair playt të të dyja skuadrave, të cilat ja bënë më të lehtë gjykimin elbasanasve.