Skënderbeu vijon përgatitjet për ndeshjen e kthimit ndaj Sant Juliá në Korçë. Në kampin bardhekuq mbizotëron optimizmi energjia pozitive.
Liridon Latifi është një nga lojtarët që e sheh të kryer kalimin e ekipit në fazën tjetër. Në një prononcim për mediat, të publikuar edhe në faqen zyrtare të Skënderbeut në internet, talenti bardhekuq është shprehur optimist se ekipi do arrijë të fitojë dhe në ndeshjen e kthimit.
"Nuk ka dyshim që në ndeshjen e kthimit do shohim një Skënderbe tjetër nisur dhe nga fakti se kundërshtari nuk do të mbyllet në mbrojtje pasi i duhet të shënojë. Në ndeshjen e parë na mungoi fati pasi duhet të kishim shënuar së paku 4-5 gola. Gjithsesi mendoj se ekipi ka nevojë për përmirësim sidomos tek pasi i fundit dhe konkretizimi. 100% kalojmë ne dhe do të shkojmë më të motivuar në ndeshjen me Kairat. Nuk mendoj për largimin, atë punë e vendos klubi, unë jam i përqëndruar tek Skënderbeu", u shpreh Latifi për mediat.
Lexo gjithashtu
