Agjenti i Olivier Giroud ka dhënë një mesazh të paqartë pas takimit me përfaqësuesit e Milan mbi rinovimin e Giroud. 36 vjeçarit i skadon kontrata në fund të qershorit dhe klubi është i gatshëm të rinovojë me sulmuesin.
Giroud e ka treguar veten që është një lojtar shumë i rëndësishëm në skemat e Piolit dhe ka shënuar 24 gola në 65 takime.
Përfaqësuesit e francezit ishin në Milano për të diskutuar me klubin kushtet e rinovimit. Por agjenti duke dalë nga Casa Milan dha këtë koment për “Calciomercato.com”: “Do të shohim. Ne jemi afër dhe larg në të njëjtën kohë. Të shënosh një gol ndonjëherë të duhen vetëm 5 centimetra, je brenda ose jashtë. Nuk i dihet kurrë... Nuk e di, ata vendosin.”
Komente të dyshimta këto me klubin që do të vendosë në ditët në vijim për fatin e kampionit të botës.
Lexo gjithashtu
