Merkato e Tiranës është në vazhdim. Bardheblutë presin ende përforcime, sidomos në repartet e mbrojtjes dhe sulmit.
Së fundmi janë dy emra që po qarkullojnë në ambjentet e klubit të kryeqytetit. Reanto Malota dhe Mario Fontanela.
Ish-kapiteni i Kukësit tashmë është një futbollist i lirë dhe po shqyrton ofertat në drejtim të tij. Qendërmbrojtësi do të ishte një përforcim ideal për Tiranën pasi do të zëvendësonte më së miri serbin e larguar Dejan Karan dhe gjithashtu do të formonte me Gentian Muçën një dyshe tepër cilësore në qendër të prapavijës. Kjo dyshe i ka dhënë provat që është e suksesshme në paraqitjet me Kukësin në kupat e Europës sezonin e kaluar dhe këtë sezon.
Ndërkohë emri i italianit Mario Fontanela po qarkullon prej ditësh në Shqipëri pasi mediat italiane bënë me dije se sulmuesi po kërkohej nga Partizani dhe zviceranët e Luzernës. Së fundmi flitet se ai i është ofruar edhe bardhebluve të cilët janë në kërkim të një sulmuesi.
Lexo gjithashtu
