Federata Shqiptare e Peshëngritjes ka bërë analizën vjetore. 2019-ta po numëron ditët e fundit të saj, ndërsa për sportistët e Peshëngritjes ky vit që po lëmë pas mund të konsiderohet i suksesshëm.
Plot 35 medalje të fituara ku spikasin Briken Calja apo edhe Erkand Qerimaj. Në një prononcim për "RTSH Sport", presidenti Theodhor Masllavica u shpreh: "Viti 2019 ka qenë një vit plot-plot suksese duke nisur me të mirat dhe të këqijat që kemi pasur. Por një gjë duhet theksuar se ne kemi marrë 35 medalje ndërkombëtare. Këto 35 copë medalje ndërkombëtare kanë qenë pa doping.
Neve jemi penalizuar nga dopingu, që do të thotë se nuk mund të merrnim pjesë në këto Lojëra Olimpike me më shumë se sa dy sportistë.
Bashkëpunimi që kemi dhe çfarë kemi biseduar me Ministrinë dhe me Komitetin Olimpik Kombëtar Shqiptar kemi arritur të krijojmë një bazë materiale si për Briken Caljen, ashtu dhe për Erkand Qerimajn, ndërsa do të jenë të ndihmuar nga ana financiare nga Federata për t'u përgatitur dhe për të sjellë më në fund një medalje olimpike".
Në këtë mbledhje të zhvilluar, janë shpallur edhe sportistët më të mirë si Briken Calja, Daniel Godelli, Erkand Qerimaj, Samuel Bishanaku, Arbër Çerçizaj, Kleopatra Saliaj, Kristi Ramadani, Krenar Shoraj, Eros Roshi dhe Franko Ferra. Po kështu është votuar dhe për këshillin e trajnerëve, i cili do të përbëhet nga Hektor Shaqiri, Sokol Bishanaku, Amarildo Gjyla, Asim Belinova dhe Ervis Tabaku.
Lexo gjithashtu
