Peshëngritësi dhe kampioni shqiptar, Briken Calja reagoi dje duke folur për gabimet që ka bërë në karrierë. Calja foli për besimin e tepërt te personat e gabuar dhe tolerimin, me mediet që dyshuan për pagat e prapambetura për kampionin nga Shtërmeni.
Në lidhje me lajmet për mungesën e pagave, ministrja e Arsimit dhe Sportit, Evis Kushi ka nxjerrë dokumentacionin ku tregohet kalimi i pagave në federatat respektive, duke e kaluar topin në fushën e Federatës Shqiptare të Peshëngritjes.
Afro 200 milionë lekë të vjetër ka marrë Calja nga medaljet në Evropianin dhe Botërorin e peshëngritjes, ku shqiptari u shpall kampion bote.
Mesazhi i Kushit:
Po lexoj sot në media një lajm të pavërtetë që gjoja qeveria sorollat kampionin Briken Çalja dhe nuk e ka shpërblyer ende për titullin kampion bote në peshëngritje. Për informim të opinionit publik, po ju publikoj urdhërat e pagesës për shpërblimin e Brikenit bashkë me trajnerin e tij, jo vetëm për kampionatin botëror por edhe atë evropian. Aktualisht, MAS i ka kryer të gjitha procedurat financiare për shpërblimin e të gjithë sportistëve që kanë fituar medalje, nëpërmjet federatave sportive përkatëse, sipas legjislacionit në fuqi.
Pas kësaj, është detyrim i vetë federatave për të kaluar këto shpërblime të qeverisë në llogarinë personale të sportistëve.I bëj thirrje të gjitha federatave që të zbatojnë detyrimet e tyre ndaj sportistëve brenda afateve të caktuara.Qeveria shqiptare do të vazhdojë të mbështesë pa u ndalur sportistët tanë elitarë dhe zhvillimin e sportit në tërësi.
Lexo gjithashtu
