Erkand Qerimaj është dekoruar nga Presidenti i Republikës së Shqipërisë Ilir Meta, me dekoratën “Gjergj Kastrioti Skënderbeu”. Lajmin e ka bërë të ditur vetë peshëngritësi i njohur shqiptar nëpërmjet rrjeteve sociale, teksa ka postuar dhe foto nga ceremonia.
Qerimaj tregon se kjo ditë është shumë e lumtur për të, i cili shpërblehet në këtë mënyrë pas shumë viteve punë të mbushura me medalje. Peshëngritësi i njohur tregon se është i nderuar të mbajë këtë dekoratë me emrin e Heroit Kombëtar.
“Një ditë shumë e lumtur!
Pas shumë viteve punë, mund e sakrifica e 20 vite me medalje Mesdhetare, Europiane, Botërore, bashkuar me ngritjen dhe nderimin e flamurit Kombëtar në Arena ndërkombëtare!
Falenderoj Presidentin e Republikës, Ilir Meta për dekorimin me Dekoratën e lartë "Gjergj Kastrioti Skënderbeu"!
Jam shumë i nderuar të mbaj këtë dekoratë”, shkruan Qerimaj.
Kujtojmë se peshëngritësi shqiptar doli me medalje argjendi nga Lojërat Mesdhetare që u mbajtën në Algjeri së fundmi.
Lexo gjithashtu
