Është mbyllur Teuta 2-0 Beitar Jerusalem. Durrsakët ia dalin të kualifikohen në turin e dytë të Europa League, duke fituar në shtëpi ndaj një kundërshtari që në fillimin e ndeshjes shihej si I avantazhuar. Dy gola në secilën pjesë, ndërsa djemtë e Martinit ia kanë dalë të shkojnë më tej, gjë që e kanë bërë edhe më herët në historinë e tyre evropiane.
Ka qenë Krasniqi që në debutim ka gjetur golin pas gjashtë minutash lojë, ndërsa pjesa e parë është mbyllur me raste nga të dyja palët. Pjesa e dytë ka folur për Teutën, që ka gjetur golin e dytë dhe të qetësisë me Hebaj. Fitore historike për djemtë e Martinit, që kalojnë në turin e dytë të Europa League.
Me këtë fitore Teuta siguron një shumë të majme nga UEFA, teksa do arkëtojë 240 mijë euro për kalimin e turit të parë dhe 260 mijë euro të sigurta për pjesëmarrjen në turin e dytë. Kështu financat e durrsakëve “shëndoshen” ndjeshëm me 500 mijë euro, teksa klubi I presidentit Hasanbelliu duhet të ketë si moto shprehjen “oreksi vjen duke ngrënë”, për të vijuar edhe më tej performance si kjo e sotmja.
Loading ...
