Niveli i futbollit shqiptar është rritur ndjeshëm vitet e fundit. Dhe krahas kësaj ka ardhur dhe rritja e vlerave të futbollistëve të “Abissnet Superiore”. Me cilësitë e tyre që kanë treguar në kampionatin shqiptar, shumë lojtarë kanë marrë dhe vëmendjen e “Transfermarkt”, faqja e cila merret me vlerat e futbollistëve.
Në “Top 10” lojtarët më të shtrenjtë të Superiores, për numër lojtarësh udhëheq Egnatia, duke mposhtur kështu “yjet” e Partizanit. Egnatia ka 1/2 e lojtarëve në listë, pra 5 të tillë, ndërsa Partizani përfaqësohet nga katër. Disi e çuditshme, por aty është edhe ekipi i Laçit me një përfaqëesues. Kapiteni Serxho Ujka ka “nderuar” kurbinasit, duke i bërë pjesë të kësaj liste.
Por pavarësisht se Egnatia e mposht Partizanin për numër më të madh lojtarësh, ai që e kryeson këtë listë është një “Dem”. Arinaldo Rrapaj i cili fitoi dhe “Topin e Artë” të Superiores për vitin 2023 renditet i pari, me një vlerë prej 650 mijë eurosh. Teksa ndjekësi më i afërt i sulmuesit të Partizanit vlerësohet me plot 200 mijë euro më pak, i cili është Fernando Medeiros i Egnatias.
[caption id="attachment_721846" align="alignnone" width="602"]
Vlera e lojtarëve sipas "Transfermarkt"[/caption]
Lexo gjithashtu
