Shkencëtarët në mbarë botën janë duke luftuar me kohën, në mënyrë që të gjejnë një kurim për Covid-19, virusin që ka marrë mijëra jetë njerëzish në Botë. Me Europën të paralizuar, të shumtë kanë qenë futbollistët që kanë ndihmuar me shuma të mëdha monetare këtë “luftë”.
Robert Lewandowski, sulmuesi i Bayern Munich dhe kombëtares polake ka bërë një gjest për t’u vlerësuar, teksa ka dhuruar 1 milion euro për nismën që shokët te gjiganti bavarez kanë ndërmarë. Kimmich dhe Goretzka kanë krijuar një fond për të lehtësuar pasojat e të prekurve nga Coronavirusi, teksa aty ka kontribuar edhe polaku.
“Jemi të gjithë të vetëdijshëm për këtë situatë të vështirë që na rrethon. Sot, ne të gjithë jemi pjesë e një ekipi. Le të jemi të fortë dhe të baskuar në këtë luftë.Nëse mundemi sot të ndihmojmë dikë, le ta bëjmë. Kemi vendosur të dhorojmë 1 milion euro për këtë luftë”, shkruan polaku dhe bashkëshortja e tij Anna në rrjetet sociale.