Sot, Shqipëria do të luajë kundër Francës në kuadër të eliminatoreve të Euro 2020. Kjo sfidë përkon edhe me inaugurimin e impiantit më të ri sportiv në vend, ndërsa puna nga Federata Shqiptare e Futbollit ka qenë pa ndërprerje. Zyrtarë të UEFA-s kanë mbërritur në kryeqytet duke parë dhe shqyrtuar çdo detaj për takimin ndaj "Gjelave".
Newsport mëson se impakti i tyre ka qenë mjaft pozitiv për stadiumin e ri. Megjithatë nota finale do të jepet vetëm pas takimit me francezët. Ndaj, është punuar deri në orët e para të mëngjesit. Fillimisht dekori me ngjyra i stadiumit dhe më tej vijëzimi i fushës përfundimtar, kanë përmbyllur kalvarin e gjatë të përgatitjeve për këtë ndeshje mjaft të trumbetuar.
Kujtojmë që Franca është kualifikuar, ndërsa Shqipëria është eleminuar. Përballja mes tyre është përcaktuar në orën 20:45.
Lexo gjithashtu
