Pronarët e Inter, kinezët e Suning janë në krizë të theksuar financiare. Për këtë, skuadra e Jiangsu Fc në Kinë nuk është lejuar të marrë pjesë në kampionatin që nis sot. Për shkak të ligjeve në fuqi, Suning nuk ia ka dalë të plotësojë anën financiare të skuadrës kampione të Kinës për këtë sezon, duke bërë që Federata e Futbollit të marrë vendimin drastik.
Gjatë mbrëmjes Europiane dhe mëngjesit kinez, Suning ka marrë një njoftim për të lënë futbollin dhe përkatësisht klubin e Jiangsu. Për shkak të këtyre problemeve financiare, Suning prej kohësh ka nxjerrë në shitje Interin, teksa palët e interesuara nuk kanë munguar. Tanimë zikaltërit duhet të shpejtojnë për aksionet e klubit, pasiqë kambanat e alarmit kanë rënë nga.. Kina.
Poll
Lexo gjithashtu
