Jamir Hyka do të luajë në Kinë. Sulmuesi shqiptar pas largimit nga Izraeli ka gjetur një tjetër skuadër jashtë Shqipërisë për të vijuar karrierën e tij. Hyka ka firmosur me Guizhou HengFeng FC, skuadër që militon në Ligën e parë kineze. E ardhmja 32-vjeçarit lidhej edhe me një kalim në Superligë nëse nuk do të kishte oferta nga jashtë, por një gjë e tillë nuk ndodhi.
Hyka ka firmosur ditën e sotme pasi akordi mes palëve ishte arritur prej disa ditësh. Njoftimi është bërë nga vetë lojtari në faqen zyrtare teksa bën me dije se ka firmosur me Guizhou HengFeng FC dhe është shprehur tepër entuzias për këtë aventurë të re.
https://www.instagram.com/p/CFM0R7ThQ65/?utm_source=ig_web_copy_link