Një ditë e rëndësishme njoftimesh në klubin e Manchester United. Pas zyrtarizimit të largimit të Cristiano Ronaldos, Djajtë e Kuq kanë publikuar një komunikatë për shtyp se Bordi i Drejtuesve po fillon një proces për të eksploruar strategji alternative për klubin. Siç thuhet në webin zyrtar, ky proces është dizenjuar për të përmirësuar të ardhmen e klubit me objektivin primar për t’u zhvilluar si në fushë ashtu edhe në aspektin komercial. Si pjesë e procesit, bordi do të konsiderojë strategji alternative si investimet e reja në klub, shitje apo transaksione të ndryshme brenda klubit. Qëllimi kryesor është të përfshihen iniciativa madhore për përforcimin e Manchester United si rinovimi i stadiumit dhe zhvillimin e infrastrukturës, përhapjen e operacioneve komerciale në rang global dhe zhvillimi i ekipeve të meshkujve dhe femrave.

Club statement on a process to explore strategic options for Manchester United.#MUFC

— Manchester United (@ManUtd) November 22, 2022