Alush Gavazaj dhe Arben Tafa nuk do të jenë më pjesë e skuadrës së Renovës. Të dy lojtarët kanë zgjedhur mos të zgjasin më bashkëpunimin dhe një gjë të tillë e tregon klubi nga Maqedonia e Veriut. Përmes një njoftimi në kanalin zyrtar bëhej me dije:
“Faleminderit që ishit pjesë e jona.
Alush Gavazaj dhe Arben Tafa sezonin tjetër nuk do të jenë pjesë e ekiti tonë pasi që u skadon kontrata dhe me një marveshje të dy anëshme vendosën që të largohen.
Për ne si ekip ishte kënaqsi që ishin pjes e jona dhe u dëshirojm suksese dhë shëndet në të ardhmën”.
Në këtë sezon, Gavazaj është aktivizuar në 32 ndeshje, ku ka arritur të shënojë dhe 1 gol. 26-vjeçari, 30 takime i ka nisur si titullar. Ndërsa qendërmbrojtësi Tafa është aktivizuar në vetëm 11 ndeshje. Kujtojmë që Gavazaj ka provuar të luajë edhe në vendin tonë, me Tërbunin dhe Korabin në Kategorinë Superiore.
Loading ...
