Edhe pse ka patur spekulime në lidhje me të ardhmen e Luciano Spallettit në krye të stolit të Interit, klubi zikaltër i ka dhënë përgjigje përfundimtare çdo thashethemi. 59-vjeçari do të drejtojë dhe për 3 sezone të tjera ekipin italian, duke rinovuar kontratën deri në 2021.
Lajmi është publikuar në faqen zyrtare të klubit.
“Jemi të gëzuar që zgjeruam kontaktet tona me zotin Spalletti dhe të vazhdojmë përpjekjet tona të ndërtojmë njërën prej disa skuadrave më të mira në botë. Marrëveshja e sotme tregon besimin tonë të fortë te Spalletti dhe solidaritetin afatgjatë të grupit”, shkruhet në faqen zyrtare të klubit.
Në vitin e parë në krye të pankinës së Interit, Spalletti arriti ta kualifikonte Interin për herë të parë pas 6 vitesh në Champions League.
