Shuhet ëndrra e Interit për Diego Simeonen. Trajneri argjentinas ka rinovuar me Atletiko Madrid deri në 2018-ën.
Tashmë nuk ka më asnjë dyshim dhe Interi duhet të presë. Shpresa e zikaltërve për të firmosur me trajnerin Argjentinas u shtuan së tepërmi pas finales që Atletiko humbi në “San Siro” kundër Real Madrid, kur vetë Simeone deklaroi i zhgënjyer: “Ky është një moment ku duhet të mendoj për të ardhmen time”.
Por, duket se trajneri i bardhekuqve është menduar gjatë dhe ka vendosur se më mirë se tek Atletiko Madrid nuk do të gjejë, sigurisht për momentin.