UEFA dhe CONMEBOL në Amerikën e Jugut kanë zyrtarizuar se kombëtaret e Italisë dhe Argjentinës do luajnë në Londër në 1 qershor 2022 për të ashtëquajturën “finalissima”. Fituesit e EURO 2020 dhe ata të Kupës së Amerikës së Jugut do përballen në një duel të zjarrtë.
Një ide e tillë u hodh nga federatat pasi FIFA kërkoi që Kupa e Botës të luhet çdo dy vite. Tanimë gjithçka është zyrtare për përballjen mes Italisë dhe Argjentinës në Londër në qershorin e 2022, menjëherë pasi kampionatet respektive të mësojnë verdiktet finale.
“Ekziston një traditë e gjatë bashkëpunimi midis UEFA-s dhe Conmebol, siç mund të dëshmohet gjatë viteve me gara të tilla si Trofeu Artemio Franchi dhe Kupa Ndërkontinentale”, tha presidenti i UEFA-s, Aleksander Ceferin në një deklaratë.
“Është me shumë krenari që po rilançojmë një trofe kaq prestigjioz të ekipit kombëtar për kënaqësinë e dashamirëve të futbollit anembanë globit”, tha kreu i UEFA.
Lexo gjithashtu
