Zlatan Ibrahimoviç është i njohur për veprimet dhe fjalët e tij me “peshë”. Një të tillë e ka bërë edhe ne statusin përshëndetës që ka bërë ndaj tifozëve të klubit amerikan. Ibrahimoviç ka përfunduar kontratën me LA Galaxy dhe pas dy viteve në “tokën e ëndrrave” ka vendosur të largohet. Suedezi në 58 takime në MLS, mundi të gjejë rrugën e rrjetës plot 52 hërë.
“Kam ardhur, kam parë, kam pushtuar. Faleminderit LA Galaxy sepse më bëtë të ndihem përsëri gjallë. Për tifozët e Galaxy, ju keni kërkuar Zlatan, unë iu dhashë Zlatan. Jeni të mirëpritur. Historia vazhdon … Tani shkojmë pas të shikojmë bejsboll”, ka shkruar Zlatan Ibrahimoviç duke thumbuar drejtuesit e Ligës amerikane të futbollit. Sulmuesi është në kërkim të një klubi të ri, teksa në “luftë” për shërbimet e tij janë disa skuadra të njohura.