Kombëtarja e Francës është padyshim skuadra më e fortë e viteve të fundit dhe pretendentja kryesore për suksesin në Kupën e Botës teksa vijnë edhe si kampion aktual të këtij trofeu. Ky kompeticion mund të jetë i fundit për Deschamp në krye të Francës dhe presidenti i federatës, Noel Le Graet, i pyetur nga mediat vendase shpjegon të ardhmen e tekniku.
“Ne kemi rënë dakord që të takohemi menjëherë pas Botërorit. Nëse arrijmë në gjysmëfinale, Deschamps e ka opsionin e rinovimit. Nëse ndihet i motivuar për të vazhduar, ne as nuk e diskutojmë. Nëse nuk e përfundojmë në top-katërshe, do të diskutojmë, të shohim.
Në këtë hipotezë jam unë që e kam në dorë qëndrimin e tij. Do të shohim në varësi të rrethanave. Nëse Didier nuk arrin në gjysmëfinale, nuk është e sigurt që do të qëndrojë. Nuk shoh të jetë lodhur nga skuadra e Francës dhe ka dashuri për fanellën. Kam besim absolut tek ai.”- u shpreh presidenti.
Në Francë e bëjnë thuajse të sigurt se pasuesi i tij do të jetë Zinedine Zidane. Ish-tekniku i Real Madrid po pret përfundimin e Botërorit për t’u rikthyer edhe një herë në në futboll. Vetë Zidanë ka nxehur më shumë ambientin teksa është shprehur së sëshpejti do të rikthehet në detyrë.
Lexo gjithashtu
