Shkëndija e Tetovës është mundur në finalen e Kupës së Maqedonisë me anë të 11-metërshave nga Pelisteri. Kuqezinjtë tetovarë e mbyllin këtë sezon pa asnjë trofe pasi në kampionat u renditen në vendin e dytë.
Shkëndija shihej si favoriete por Pelisteri bëri rezistencë, duke zbatuar me përpikmëri udhëzimet e ish-trajnerit të Kukësit, Naxhi Shensoji.
120 minuta nuk prodhuan asnjë gol, ndaj të dy skuadrat iu drejtuan 11-metërshave. Shkëndija gaboi shumë pasi shënoi vetëm 3 nga 5 penalltitë e gjuajtura, ndërsa Pelisteri shënoi 4 gola.
