Vasil Shkurtaj ka kaluar dëmtimin dhe tashmë është rikthyer të në fushën e blertë. Një nga sulmuesit që spikati më shumë në Superiore ka lënë pas problemet fizike dhe ditën e djeshme ka shkëlqyer me skuadrën e Beidamen. Është menaxheri i tij, Franci Bode që ka bërë një postim në rrjetet sociale duke treguar edhe golin e realizuar nga shtatlarti.
“Pas disa dëmtimesh, rikthehet më i fortë. Shkurtaj ka gjetur golin e parë për këtë sezon në kampionatin kinez duke fituar dhe dhënë 3 pikë skuadrës së tij”, shkruhej nga përfaqësuesi i Shkurtajt.
Kujtojmë që në vendin tonë, ai ka luajtur me Luftëtarin dhe Kukësin duke shkëlqyer me dy ekipet e kampionatit shqiptar. Edhe pse ofertat në drejtim të tij nuk munguan, Shkurtaj preferoi të transferohej në Kinë për të provuar një aventurë larg Shqipërisë.