Napoli ia doli të marrë një fitore jetike në shtëpinë e Torinos me shifrat 0-2. Goli i parë u realizua shumë shpejt nga Bakayoko, që në minutën e 11-të. Mesfushori godet saktë, duke dërguar topin pas shpinës së portierit. I dyti vjen shumë shpejt, me Osimhen që nuk fal. Më pas, të besuarit e Gatussos thjeshtë administruan rezultatin.Napoli kështu parakalon Juventusin, duke i marrë bardhezinjve vendin e katërt që të çon në Uefa Champions League. Në krahun tjetër, torinezët vijojnë të enden në vendet e fundit të tabelës dhe rrezikojnë rënien një Kategori më poshtë.
Napoli përballet me Torinon në orën 18.30 në transfertë, në kuadër të Serie A. Të dy skuadrat kanë vendosur për titullarët, me anë të të cilëve ekipet do zbresin në fushë. Trajneri i miqve, Gatusso ka vendosur që Elseid Hysaj të jetë mes më të mirëve. Jo vetëm kaq, pasi edhe Rrahmani do jetë nga fillimi.
Gjithçka ka të bëjë me faktin se Manolas mungon për shkak dëmtimi. Në ofensivë qëndron Osimhen. Napoli dhe Torino luftojnë për objektiva të ndryshme, me garën për mbijetesën dhe Championsin që kanë hyrë në një fazë delikate.
Lexo gjithashtu
