Monza arriti të marrë një fitore të pastër 0-2 përballë Juventusit në Torino duke e kaluar edhe në renditje teksa ngjiten në vendin e 11-të me 25 pikë ndërsa Juventus zbret në të 13-tin me 23 pikë. Tre pikë të arta për skuadrën e Berlusconit dhe Gallianit të cilët e kanë mposhtur Zonjën edhe në ndeshjen e fazës së parë.
Të dy golat erdhën në pjesën e parë me Ciurria dhe Mota ndërsa në fillim panë t’u anullohej edhe një gol nga VAR. Bardhezinjtë po vuajnë shumë këtë sezon teksa vec dënimit fatal me 15 pikë zbritje nga Komisioni, as rezultatet në fushë nuk po arrihen duke bërë që objektivi i Champions League të shihet me “dylbi”.
