Klubi i Kukësit ka zgjedhur të urojë të gjithë shqiptarët anë e mbanë trojeve tona për festat e fundvitit. Përmes një video-kolazhi në kanalin zyrtar në facebook, ndryshe nga vitet tjera, këtë herë verilindorët kanë caktuar 4 personazhe.
I pari është trajneri Armando Cungu, i cili uron Krishtlindjen dhe Vitin e Ri. Trajneri shkodran pasohet nga kapiteni Shameti dhe më pas mbrojtësi Simon Rrumbullaku. I fundit që mbyll urimet e kuksianëve është portieri Stivi Frashëri. Ju ftojmë të ndiqni videon e mëposhtme për t’u njohur me urimet e verilindorëve.