Video/ Ish-sulmuesi i Liverpoolit Djibril Cisse ka vendosur të bëhet “DJ”

Djibril Cisse i cili i ka varur mbi gozhdë këpucët e futbollit, ka vazhduar një karrierë tjetër mjaft interesante. Tashmë Cisse-n do ta shohim si “DJ, producent dhe këshilltar”.

Francezi fillimisht ka dalë në pension në 2015 si shkak i një lëndimi, por u rikthye pas një operacioni tejet të suksesshëm.

Ai më pas ka dështuar  për të gjetur një klub, ndaj tashmë ish-sulmuesi i Lazios  dhe Liverpulit ka vendosur që të përqëndrohet në karrierën muzikore.

“Më ka pëlqyer të jem futbollist pasi topi ishte jeta ime. Do të doja të vazhdoja lojën, por më duhet të pranoj se futbolli sot për mua ka përfunduar. Me të njëjtin pasion do t’i përkushtohem muzikës dhe modës. Dua që të nis karrierë si DJ, producent dhe këshilltar dhe të krijoj një brend të veshjeve”, ka thënë Cisse për Yahoo Sport.