Sulmuesi i Shqipërisë dhe Akhisarsporit Sokol Cikalleshi kaloi një nga netët më magjike të karrierës së tij. 28-vjeçari realizoi dopietë në takimin e parë çerekfinal të Kupës së Turqisë ndaj rivalëve të Kasimpasas, ndeshje që përfundoi me fitoren e pastër të skuadrës së shqiptarit 3-1.
Cikaleshi realizoi dy herë; në minutën e 41-ë duke fluturuar me kokë topin dhe 6 minuta nga kronometrimi i fillimit të pjesës së dytë, ai ekzekutoi me parabël golin e dytë.
Që nga transferimi te ekipi i ri, Cikalleshi ka shënuar 3 gola duke lënë përshtypjen se pjesa e dytë e sezonit do të jetë më rezultative për sulmuesin kuqezi, i cili kaloi një periudhë të vështirë te Goztepe duke pësuar dëmtime. Në mënyrë direkte, ai jep sinjale se Kombëtarja duhet të besojë ende tek ai pasi i nevojitet një golashënues i pamëshirshëm.