Roma u mposht në transfertë nga Genoa në mënyrë turpëruese. Në ndeshjen e vlefshme për javën e 6-të të Serie A, skuadra e Jose Mourinhos u mposht me rezultatin 4-1. Një ndeshje për tu harruar për ‘verdhekuqtë’.
Por jo vetëm kjo ndeshje, pasi dhe në 5 ndeshjet e para Roma ka treguar që nuk është aspak në formë. Skuadra kryeqytetase në 6 ndeshjet e para të kampionatit italian ka grumbulluar vetëm 5 pikë.
Pas ndeshjes me Genoan foli dhe trajneri portugez, Jose Mourinho i cili përmend dhe disa episode që ndryshuan për shkak të arbitrimit.
-Si shkoi ndeshja ndaj Genoas?
“Nuk kam shumë për të thënë, në fund të ndeshjes nuk fola as me lojtarët. E nisëm keq. Patëm një reagim dhe barazuam, pastaj skuadra u përkeqësua me dëmtimin e Llorentes. Edhe kartoni i verdhë i Mancinit në minutën e 42’ sikur ngurtësoi paksa lojën tonë mbrojtëse dhe duke parë mënyrën e arbitrimit ne u dëtyruam të ndryshonim taktikë. Kur Lukaku shënooi në pozicion jashtë loje mendova se mund të vinte barazimi sepse kishim dominim edhe pse pa cilësi të madhe. Me rezultatin 3-1 ndeshja ka përfunduar, ndërsa 4-1 është jashtë kontekstit”.
-Shumë gola të pësuar?
“Pa dyshim. Njerëzit flisnin për gabimet e Ibanez me topin që ndonjëhere krijonte situata ikonike, por në të vërtetë ai ishte solid në mbrojtje. Me Smalling humbëm disa ndeshje, por të themi se ky soliditet humbet vetëm sepse na mungojnë këta lojtarë. Përtej kësaj, çdo gotije në portë ishte gol në ndeshjen e sotme. Nuk po flas vetëm për Rui Patricion. Në një moment si ky unë mund të kritikoj lojtarët që ishin në fushë, por dhe ato nga pankina”.
-Fillimi më i keq i Romës?
“Është gjithashtu fillimi më i keq i karrierës sime, por edhe hera e parë në historinë e Romës që ka luajtur dy finale europiane radhazi”.
-A mund të dalë ky grup nga kriza?
“Është grupi që kemi dhe do të luftojmë me të, nuk kemi më transferime. Ëshëtë skuadra që kemi, me cilësitë dhe defektet e saj. Por nesër do të punojmë shumë për ndeshjen tjetër, e cila vlen 3 pikë, jo 7 apo 8. Megjithatë është tepër e rëndësishme”.
Lexo gjithashtu
