Veprimi akrobatik i Kristiano Ronaldos mbrëmjen e së mërkurën me Juventusin dhe fluturimi në ajër, kanë bërë bujë në mediat ndërkombëtare. Pas fitores së bardhezinjve të gjithë janë ndalur duke bërë krahasimet e rastit me “fenomene” të ngjashme në të kaluarën.
Së fundmi është një foto e ish mbrojtësit dhe legjendës së Flamurtarit, Rrapo Taho që duket ngjashëm në dyluftim me një prej lojtarëve të Barcelonës. Flamurtari i viteve të arta ka ofruar edhe momente të tilla, me kuqezinjtë që në ndeshjet europiane të sezonit 1987-1988 kanë shkruar historinë duke mposhtur 1-0 Barcelonën. Taho ka bërë debutimin me Kombëtren kuqezi në vitin 1986, duke zhvilluar në total 11 paraqitje.
