Tirana ka prezantuar lojtarin e dytë brenda ditës së sotme. Pas Aldi Gjumsit, do të jetë dhe Arhan pjesë e bardhebluve për sezonin 2024/25.
Lojtari bullgar luan në krahun e djathtë të mbrojtjes. Më parë është aktivizuar me Hebar, CSKA 1948, Pirin, Spartak Varna, Loko Plovdiv dhe Arda Kardzhali. Kjo është eksperienca e parë për të jashtë Bullgarisë.
Njoftimi i Tiranës:
"Mirësevjen Arhan Isuf. Klubi i Futbollit Tirana njofton afrimin e radhës në merakton e verës. Mbrojtësi i djathtë, Arhan Isuf është emri më i ri që do të rreshtohet në radhët e bardhebluve.
25-vjeçari bullgar është bashkuar në stërvitje me ekipin dhe ka nisur përgatitjet për sezonin e tij të parë në kampionatin shqiptar, pas një eksperience të gjatë në futbollin bullgar.
Klubi i Tiranës i uron mirëseardhje mbrojtësit Isuf dhe shumë suksese me fanellën bardh’ e blu!”
Lexo gjithashtu
