Bashkëpunimi mes klubit të Elbasanit dhe atij italian të Bolognas duket se po jep fryet e para. Talenti i Elbasanit, Armir Boriçi ka marrë një ftesë zyrtare nga klubi i Serie A, për t’iu bashkuar akademisë së tyre.
16-vjeçari do të niset drejt qytetit italian, për t’u bërë pjesë e akademisë së Bolognas. Aty, Boriçi do të jetë në provë dhe do të tentojë që të japë sinjale pozitive, pse jo për një transferim të përhershëm.
Diçka të tillë e ka njoftuar vetë klubi i Superiores, Elbasani me anë të një postimi në rrjetet sociale, ku shkruan: “Në bashkëpunimin zyrtar midis AF Elbasani dhe Bologna FC njoftojmë ftesën nga klubi italian për lojtarin e akademisë verdheblu Armir Boriçi. 16 vjeçari Boriçi do të niset drejt qytetit italian me ftesën për tu provuar në ekipin e akademisë së Bologna FC”.
Lexo gjithashtu
