Vllaznia ka nisur që të krijojë ekipin për sezonin e ri, duke patur revolucion nga trajneri, stafi dhe lojtarët. Aurel Locaj ishte i fundit që u largua nga kuqeblutë, me lezhjanin që mbante rolin e përgatitësit atletik.
Por Vllaznia ka gjetur menjëherë zëvendësuesin, teksa ditën e sotme e ka prezantuar. Bëhet fjalë për Fation Kadija, i cili është bashkuar me stafin e trajnerit Edi Martini, duke mbajtur rolin e përgatitësit atletik. Një afrim ky, që vjen nga Akademia e shkodranëve.
Njoftimi i Vllaznisë:
KF Vllaznia bën të ditur se Fation Kadija i është bashkuar tashmë stafit të trajnerit Martini, për të kryer detyrën e përgatitësit atletik. Kadija prej disa vitesh ka qenë pjesë e Akademisë dhe tashmëdo të kryejë të njëjtin funksion dhe tek ekipi i parë i Vllaznisë.
Lexo gjithashtu
