Gugash Magani tashmë është trajneri më i ri i Tiranës. Peqinasi zëvendëson kështu në stol Bledi Shkëmbin, me këtë të fundit që u shkarkua ditën e djeshme nga kryeqytetasit.
Magani është prezantuar para ekipit ditën e sotme së bashku me ndihmës trajnerin. Krahu i djathtë i tij është Klodian Dervishi.
Klubi nëpërmjet një postimi në rrjetet sociale, i uron suksese në aventurën e dytë si trajner i Tiranës. Ndërkohë ditën e sotme ka zhvilluar edhe stërvitjen e parë me lojtarët për sfidën me Bylisin.
“Gugash Magani është trajneri i ri i KF Tirana.
Klubi i Futbollit Tiranë emëron në krye të pankinës bardheblu trajnerin Gugash Magani.
Magani ka qenë edhe më parë në krye të Tiranës në rolin e trajnerit dhe është njohës i mirë i kampit bardh'e blu. Ai sëbashku me Zv. trajnerin Klodian Dervishi kanë marrë nën drejtimin e skuadrës në seancën e ditës së sotme”, thuhet në postimin e kryeqytetasve.
Lexo gjithashtu
