Edhe pse ka edhe 1 vit të mbetur në kontratë, Mateo Qarri nuk do të jetë më pjesë e ekipit të Bylisit. Qendërmbrojtësi është lënë i lirë nga klubi ballshiot, duke gjetur akordin për të shkëputur kontratën që i mbante të lidhur deri në vitin 2025.
Lajmin për largimin e Qarrit e ka bërë të ditur vetë klubi i Bylisit me anë të një postimi në faqen zyrtare ku shkruan:
“FK Bylis njofton se ka lënë të lirë mbrojtësin Mateo Qarri, i cili kishte edhe 1-vit kontratë me klubin tonë. Klubi dhe mbrojtësi vlonjat kanë gjetur marrëveshjen e mirëkuptimit dhe ndahen me shtrëngim duarsh.
FK Bylis e falenderon Qarrin për kontributin e dhënë, në realizimin e objektivit madhor, ngjitjes në Superiore dhe i uron shumë suksese në vijimin e karrierës!”.
Kujtojmë që mbrojtësi 25-vjeçar e mbyll aventurën e tij me Bylisin vetëm pas 1 sezoni, pasi me ballshiotët u bashkua verën e shkuar, kohë kur vendosi të largohej nga Flamurtari. Qarri në këtë sezon që lamë pas ishte një nga lojtarët kyç të ekipit, duke e ndihmuar Bylisin që të rikthehet në Superiore.
Tashmë, pritet të shihet nëse Qarri do të vazhdojë të jetë pjesë e Superiores, apo do të rikthehet në Kategorinë e Parë.
View this post on Instagram
Lexo gjithashtu
