Eduart Mahmuti është lojtari më i ri i Bylisit. Klubi ballshiot ka prezantuar 23-vjeçarin, që luan si mbrojtës i djathtë por dhe para mbrojtjes.
Mbrojtësi i djathtë mund të përdoret nga Egbo në vendin e Trumçit. Kujtojmë se ky i fundit mbulonte krahun e djathtë të mbrojtjes, para se të huazohej te Shkëndija e Tetovës.
Mahmuti ka një karrierë vetëm në Gjermani ku dhe ka lindur. Së fundmi ishte pjesë e Schëeinfurt 05, që është pjesë e ligës së katërt gjermane.
Njoftimi i Bylisit:
"Bylis Mallakastër zyrtarizon marrëveshjen dhe prezanton lojtarin më të ri, Eduart Mahmuti. 23-vjeçari i lindur në Gjermani ku edhe ka luajtur më parë, rolin e tij në fushë e ka si mbrojtës i djathtë, por edhe 6-sh (para mbrojtjes).
Klubi i uron mirëseardhjen në gjirin e familjes sonë të madhe 23-vjeçarit Eduart Mahmuti dhe një prezantim sa më dinjitoz në Superiore këtë sezon".
Lexo gjithashtu
