Bylis bën një tjetër transferim teksa ka firmosur me McCarthy Ofori. Ballshiotët kanë prezantuar futbollistin në ambientet e klubit dhe bëjnë të ditur edhe detajet e marrëveshjes.
19-vjeçari i talentuar është pjesë e kombëtares ganeze U19 dhe shihet si një goditje për të ardhmen. Ai luan si qendërmbrojtës=, por bën mjaft mirë edhe rolin e ‘6-shit’ përpara mbrojtjes. Bylis gjeti akordim me ish-klubin e tij, FC Dreams dhe lojtari ka firmosur kontratën 4-vjeçare.
-NJOFTIMI I KLUBIT-
FK Bylis Mallakastër zyrtarizon marrëveshjen dhe prezanton lojtarin e talentuar nga Gana, Mccarthy Ofori, i datëlindjes 3 Mars 2005 (19-vjeç). Ky i fundit do të mbajë veshur fanelën bardhekuqe për 4-vitet e ardhshme, pasi klubi ynë ka gjetur marrëveshjen me ekipin e Superligës ganeze, “FC Dreams”.
Ofori, i cili luan në pozicionin e mbrojtësit si dhe mesfushor (nr. 6-sh), mban veshur edhe fanelën e përfaqësueses U-20 të Shtetit të Ganës, ku ka luajtur edhe 6 ndeshje.
Klubi i uron mirëseardhjen në gjirin e familjes sonë të madhe ganezit 19-vjeçar, Mccarthy Ofori dhe një prezantim sa më dinjitoz në Superiore këtë sezon me ngjyrat bardhekuqe.
Lexo gjithashtu
