Gbolahan Salami ishte padyshim futbollisti më i mirë i Kukësit në këtë edicion të Superiores. Sulmuesi afrikan ishte ndër të vetmit që dha shkëndija të mira nga verilindorët duke qenë një rrezik konstant në krahun e djathtë të sulmit.
Nigeriani 22-vjeçar numëron 5 gola e 8 asiste këtë sezon duke dhënë sinjale të mira të cilat kanë rënë në sytë e skuadrave të mëdha. Partizani duket klubi që prin garën për shërbimet e Salamit teksa kontaktet me lojtarin kanë nisur prej javësh. Të kuqtë e duan si një përforcim të rëndësishëm për Kupat e Europës e si një investim me potencial për të ardhmen.
Me sezonin e mbyllur, Salami është rikthyer në vendlindje, aty ku ka marrë një pritje prej heroi. Ish-klubi i tij në Nigeri, FC Hyraj i ka bërë një pritje të ngrohtë duke ndarë edhe nëj video të veçantë në faqen zyrtare.
“Gjeni kush është kthyer! Gbolahan Salami! Rikthehet në shtëpi pas një sezoni të shkëlqyer në Shqipëri duke provuar se puna dhe dedikimi paguhet gjithnjë. Udhëtimi yt na inspiron të gjithëve dhe vendos një standart për atë që mund të arrihet si një familje në vetëm 2 vjet e 6 muaj. Si do të marrësh më të mirën nga mundësitë që të jepen? Çfarë ëndrrash po ndjek? Le t’i japim Gbolahan një mirëseardhje të ngrohtë”, shkruan klubi.
View this post on Instagram
Lexo gjithashtu
