Superiorja është drejt fundit dhe tashmë skuadrat po luftojnë ‘dhëmbë për dhëmbë’ për pikët e mbetura në mënyrë që të arrijnë objektivat e tyre. Çdo pikë tashmë vlen shumëfish, por rezultatet e ndeshjeve të fundit kanë surprizuar jo pak.
Partizani është skuadra që në këto 5 javët e fundit të zhvilluara ka grumbulluar më pak pikë. Në fakt vetëm Laçi ka bërë me keq se “Demat”. Nëse kampionati do të përqendrohej vetëm në këto 5 duelet e fundit, të kuqtë do të zbrisnin në Kategorinë e Parë.
Rezultatet mjaft zhgënjyese nga Partizani, i cili konsiderohet edhe një na pretendetët për të fituar titullin kampion. Aktualisht ndodhen në vendin e 4-të në klasifikim, teks apas 31 javësh kanë grumbulluar 44 pikë. Ndodhen në këtë pozicion, fale rezultateve të siguruara në fazat e tjera të kampionatit.
Me 4 pikë më pak i ndjek Elbasani, i cili në 5 javët e fundit nuk e njohin humbjen. Tashmë në 5 javët e mbetura në Superiore , të kuqtë e Arbër Abilaliajt duhet të “rizgjohen” për të mos dreqosur më shumë situatën e tyre në këtë sezon.
Lexo gjithashtu
