Ajdi Dajko nuk është më një futbollist i Laçit. Kurbinasit e kanë shitur lojtarin në Ukrainë te ekipi LNZ Cherkasy.
Dajko u afrua këtë sezon te bardhezinjtë dhe shkëlqeu menjëherë duke fituar vendin e titullarit edhe pse në moshë të re. Me kalimin e muajve, ai fitoi edhe shiritin e kapitenit duke u kthyer në lider absolut në qendrën e mbrojtjes.
Dajko largohet me shumë falenderime. Sipas tij pavarësisht se ishte një periudhe e shkurtër, ishte për të një vit plot emocion dhe sukses.
“Një rrugëtim i shkurtër, por i veçantë dhe plot emocion dhe eksperiencë. Falenderoj nga zemra gjithë çunat e ekipit, stafin teknik, bordin drejtues edhe në veçanti presidentin. Pashk Laskës i uroj sa më shumë suksese te ky ekip. Faleminderit KF.Laçi”, ka shkruar Dajko.
Lexo gjithashtu
