Liridon Latifi u largua nga loja në minutën e 5-të në ndeshjen përballë Skënderbeut. Sulmuesi i Tiranës pësoi një goditje të fortë në këmbë nga mesfushori kundërshtar Rabiu i cili u ndëshkua me karton të kuq për atë ndërhyrje.
Dhimbja dukej qartë në pamje të parë me takën e Rabiut që shkeli këmbën e cila pësoi një ndrydhje të frikshme siç u duk në pamjet e përsëritura. Pavarësisht ndërhyrjes së mjekëve, dhimbjet ishin të mëdha dhe Latifi u largua nga loja 4 minuta më vonë duke mos përballuar goditjen.
Lajm i mirë është që dardani u ngrit dhe zhvilloi ato pak minuta, ç’ka bën që dëmtimi të mos jetë aq i rëndë sa dukej. Në stol ai e mbajti nën trajtimin e vazhdueshëm me akull, ndërsa pritet raportimi i plotë pas ekzaminimit mjekësor për të parë ekzaktësisht shkallën e dëmtimit.
Bardheblutë shpresojnë që të mos jetë një dëmtim që do ta lërë jashtë fushave pasi një mungesë e tillë është fatale në këtë pikë të sezonit. Ndeshja e rradhës është me Kukësin në shtëpi, të shtunën në orën 15:00 për javën e 31-të të Superiores.
Lexo gjithashtu
