Elbasani e ka nisur me këmbën e mbarë fazën përgatitore duke mposhtur Voska Sport në ndeshjen miqësore. Sfida e zhvilluar në stadiumin e Strugës, përfundoi me fitoren 1-0 të verdhebluve.
Golin e vetëm të kësaj sfide e shënoi Spartak Ajazi. Sulmuesi 30 vjeçar shënoi golin vendimtar të kësaj sfide, duke i dhënë kështu fitoren ekipit të tij. Përsa i përket formacionit titullar, trajneri Roberto Bordin hodhi në fushë këta lojtarë: Totoshi, Lila, Lulaj, Musta, K.Kasa, Hasani, A.Kasa, Dros, Hila, Gjoni, Leo Melo.
Ndërkohë që në pjesën e dytë u aktivizuan edhe lojtarë si Greca, Gace, Gava, Bica, K.Hida, O. Hida, Gega dhe Ajazi. Ajo ç’ka ra në sy ishte mungesa e Bruno Telushit. Ish-i i Partizanit momentalisht po vuan një dëmtim të lehtë dhe nuk është i gatshëm për ekipin.
Lexo gjithashtu
