Tirana do të përballet me Erzenin sot në Elbasan Arena në orën 15:00 për javën e 32-të të Superiores.
Një tjetër sfidë jetike ku fitorja është e vetmja rrugë drejt Final Four. Bardheblutë pas shumë javëve, më në fund do të kenë një grup të plotë ku trajneri Erbim Fagu ka mundësinë të zgjedhë alternativa të ndryshme.
Filip Najdovsk është 100% i gatshëm, ndërsa Gentian Selmani dhe Ermal Meta u rikthyen me grupin në ndeshjen ndaj Kukësit, mesfushori madje luajti disa minuta në fund të ndeshjes.
Mungesa ndaj Kukësit ishin portieri Kozi me kartona dhe Liridon Latifi i dëmtuar. Gardiani e shleu dënimin, ndërsa sulmuesi dardan në kohë rekord ia ka dalë të lërë pas dëmtimin në këmbë që pësoi ndaj Skënderbeut.
Megjithatë, Fagu nuk dëshiron të rrezikojë para derbit dhe Latifi do ta nisë nga stoli me Nikqin që do të marrë vendin e tij mes Abazajt e Patrick.
Formacioni i mundshëm:
Tirana (4-3-3) – Kozi; Haxhiu, Lulaj, Hoxhallari, Përgjoni; Jonuzi, Deliu, Lushkja; Abazaj, Nikqi, Patrick.
Trajner: Erbim Fagu
Lexo gjithashtu
