Tirana vazhdon përforcimet për sezonin e ri. Prej ditësh drejtuesit bardheblu kanë vazhduar punën për të bindur Filip Najdovskin të rikthehej në kryeqytet.
Siç duket tashmë krerët e klubi ia kanë dalë të bindin ish-kapitenin e tyre të riveshë sërish fanellën bardheblu për sezonin e ri. Palët kanë rënë dakort të bashkëpunojnë mes tyre edhe për një sezon tjetër dhe në këto kushte në ditët në vazhdim pritet të kompletohet ky ooeracion.
Por te Tirana nuk ndalen me kaq. Drejtuesit kërkojnë blerjen e mesfushorit të Kukësit. Bëhet fjalë për Françesko Hasajn, i cili shkëlqeu me verilindorët në sezonin që u mbyll. Bardheblutë me në krye Bledi Shkëmbin i pëlqejnë karakteristikat e Hasajt dhe e shikojnë si shumë të rëndësishmë për formacionin e tyre.
Mesfushori ka kontratë me Kukësin deri në qershor të vitit të ardhshëm dhe në këto kushte verilindorët nuk e lëshojnë kollaj lojtarin dhe për ta lënë të lirë kërkojnë minimalisht 200 mijë euro. Mbetet të shihet se çfarë do të ndodhë në ditët e ardhshme dhe nëse Hasaj do të rikthehet te Tirana, pasi ka dalë pikërisht nga akademia e bardhebluve.
Lexo gjithashtu
