Partizani ka një transfertë të rëndësishme në Superiore në qytetin e Elbasanit. Mbështetja është shumë e vlefshme në këtë stadium pasi dihet prania e tifozerisë vendase në numër të konsiderueshëm.
Për të ndihmuar emocionalisht skuadrën në këtë sfidë të vështirë do të jenë të pranishëm si gjithmonë ultrasit e Partizanit, që nuk hezitojnë të udhëtojnë nëpër të gjitha skajet e vendit. Elbasani është afër Tiranës dhe kjo bën që udhëtimi të jetë komod. Kësisoj pritet një numër i lartë fansash në mbështetje të Partizanit.
Tifogrupi ka bërë thirrje se ata do të jenë të pranishëm në “Elbasan Arena”. Grumbullimi do të bëhet tek Pallati i Sportit rreth 3 orë para startit të takimit. Tifozeria e kuqe ka shprehur entuziazëm për këtë përballje pas shumë vitesh mungesë të një ndeshje Elbasani-Partizani në Superiore.
Lexo gjithashtu
