Tirana po kalon një nga momentet më të vështira në karrierën e tij. Bardheblutë enden në fundin e klasifikimit, ku pas 16 javësh kanë grumbulluar vetëm 8 pikë.
Padiksutim që skuadra e këtij sezoni është larg çdo pritshmërie dhe që rrezikon edhe qëndrimin në elitë. Shanset e kryeqytasve sa vijnë e zvogëlohen, por shpresa ekziston ende te bardheblutë.
Kjo ndikuar edhe nga paraqitjet e rivalëve që aktualisht ndodhen në zonën e ftohtë të klasifikimit. Në javët e fundit, as ekipet rivale të Tiranës nuk kanë arritur të marrin rezultatet pozitive, kjo duke bërë që diferencat mes tyre të jenë të ngushta.
Nga vendi i 7-të që mnbahet nga Vora e deri te vendi i 10-të që ndodhen bardheblutë, diferenca është 8 pikë. Skuadra e Arian Bellait ka 16 pikë, me 1 pikë më pak ndodhet Bylisi, ndërsa me 13 pikë është Flamurtari.
Nga të tre këta rivalë të Tiranës, vetëm vlonjatët kanë një fitore në 5 javët e fundit, ndërsa ekipet e tjera duket se kanë “harruar” se si është shija e fitores. Një diferencë pikësh e rikuperueshme, duke marrë parasysh se janë edhe 2 faza kampionat për t’u zhvilluar, e bardheblutë që pritet të ndërhyjnë në merkato për të shmangur “tragjedinë”.
Lexo gjithashtu
