Derbi mes Tiranës dhe Partizanit mbylli javën e 33-të, teksa tashmë e gjithë vëmendja e skuadrave është kthyer te java e ardhshme. Kështu ndeshjet që janë të vlefshme për javën e 34-të do të luhen në të njëjtën ditë dhe në të njëjtën orë.
10 ekipet do të zbresin në fushë ditën e shtunë në orën 16:00. Duele mjaft të rëndësishme janë në program, ku ekipe si Laçi, Erzeni dhe teuta do të luftojnë për t’iu larguar “Play-Out”, ndërsa Dinamo, Skënderbeu dhe Tirana përplasin “brirët” për një vend në “Final – Four”.
Erzeni do të presë Kukësin, me shijakasit që kanë shansin e fundit për të shpresuar te mbijetesa, teksa humbja do të zyrtarizonte rënien e tyre. Tirana që kërkon një vend në “Final – Four” do të udhëtojë në transfertë për të sfiduar Laçin, me kurbinasit që kërkojnë të shmangin “Play-Out”.
Interesante do të jetë edhe ndeshja mes Partizanit dhe Skënderbeut që do të luhet në “Arenën e Demave”. Të kuqtë kërkojnë 3 pikët për vendin e dytë në klasifikim, ndërsa korçarët për të “blinduar” një vend në “Final – Four”.
Teuta nga krahu tjetër do të presë në shtëpi Egnatian, me durrsakët që do të luajnë për “jetë a vdekje” për 3 pikët që do t’i mbanin larg zonës së “Play-Out”, teksa “luftë” do të jete sfida mes Vllaznisë dhe Dinamos që do të luhet në “Loro Boriçi”.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
