Laçi ka barazuar përballë Tiranës në sfidën e vlefshme për javën e parë të Superiores. Ndeshja e zhvilluar në Kurbin, përfundoi me rezultatin 0-0, teksa për vendasit u ndëshkua me karton të kuq Cordeiro i cili u tregoi tifozëve të Tiranës gishtin e mesit. Pas kësaj sfide, për mikrofonat e RTSH ka folur trajneri i kurbinasve, Armando Cungu.
“Së pari mendoj se terreni nuk ishte i përshtatshëm për të luajtur futboll sot. Fusha ishte në gjendje të vështirë për shkak të shiut. Në këto situata dhe me lojtarët që kishim në lojë nuk mund të qarkullonim topin. Ishte shumë e vështirë dhe e vetmja mënyrë ishte për të luajtur me topa të gjatë. Duke parë situatën na u desh të ndërhynim me futjen e Bullarit. Ai na ndihmoi me karakteristikat e tij. Mendoj se ishte gjithçka e barabartë në fushën e lojës.
Natyrshëm që patëm vështirësi. Bullari u la jashtë formacionit startues pasi nuk ka shumë që është pjesë e ekipit. Nuk e parashikuam që do të kishte shi të tillë në startin e ndeshjes. Në momente të caktuara Bullari na ndihmoi, por terreni nuk ishte ai që na ndihmonte. Në pjesën e dytë është e vërtetë që nuk rikuperonim topin dhe nuk i erdhëm në ndihmë lojtarëve të mbrojtjes. Por është ndeshja e parë... Tirana ka ritëm lojë më të madh se ne pasi ka dy teste shumë të fuqishme pasi ka luajtur me Torpedon, atë që ka dhënë në fushën e lojës, kam parë një Tiranë të bukur. Por mendoj se ky ishte rezultat i drejtë për lojën e sotme.
Nuk është se u surprizova nga Tirana sepse u jam referuar sfidave me Torpedon. Është Tiranë e mirë, por ka dhe problemet e veta. Nuk ishte dita, terreni dhe mundësia për të bërë diçka të tillë. Tirana është një hap para në aspektin fizik. Kjo ndikoi edhe në balancat e mesit të fushës.
Kartoni i kuq i Cordeiros? Që të jem i sinqertë nuk e di për ç’ka është nxjerrë ai me karton të kuq. Nuk ka rëndësi, por ngarkesë psikologjike për shkak të rezultateve... është e para e kampionatit. Por brazilianët janë natyrë sanguine. Por ai është një lojtar i rëndësishëm për ne që ka kontribuar për Laçin, nuk e prisnim të ndodhte kjo gjë. Nuk na ndikoi sot, por do të na dëmtojë në ndeshjet në vazhdim. Nuk duhet të ndodhte, por janë situata që ndodhin”, u shpreh Cungu.
Lexo gjithashtu
