Egnatia dhe Tirana u ndalën ditën e sotme në barazim me shifrat 1-1. Trajneri i rrogozhinasve Edlir Tetova doli në prononcim për mediat në fund të takimit.
“Normalisht çdo trajner e do grupin e plotë të ketë mundësinë të operojë. Kishim një pjesë të parë jo të mirë, te zona e Lushkjes dhe Ujkës zbrisnin shumë shpejt të merrnin topin dhe i dha mundësinë Tiranës. Siç e thashë edhe nëse një lojtar më bën një lëvizje gabim, bie poshtë çdo gjë që nga portieri. Në pjesën e parë me pak orientim më të mirë, lojtarët duhet të ishin pak më të kthjellët.
Sot ishte një dëshirë shumë e madhe për ta fituar ndeshjen nga lojtarët, duhet të kemi një vazhdimësi për mbrojtjen e titullit. Vetem pak shpejtësi në zbritjen e topit, Bakayoko nuk ka kapur asnjë top, por nuk ishte faji i tij. Operimin duhet ta bënin Ujka dhe Lushkja.”, u shpreh Tetova.
Lexo gjithashtu
